MIRROR紅館演唱會於7月28日的第4場發生嚴重事故,李啟言(阿Mo)被掛半空的巨型屏幕擊中受重傷。事件發生了一個多星期,除了多間參與不同方面製作的公司均有出聲明之外,演唱會監製Fran9亦有開腔回應事件,不過MIRROR的經理人花姐(黃慧君)在事發當晚開咪要求觀眾離場之後,暫未有公開回應過。而梁思浩於8月2日主持網台節目《大家「真」瘋騷》時,談到該事件,並怒轟花姐︰「有一個人我覺得成件事係難辭其咎㗎,嗰個就係阿花!」

MIRROR演唱會第四場因為發生事故,餘下的場次全部被取消。(資料圖片)

梁思浩、李思蓓和Mandy主持《大家「真」瘋騷》,談到MIRROR演唱會發生的慘劇,梁思浩先提到在事件發生後,有幾位名人發聲,分別是王貽興、「阿姐」汪明荃和郭富城,大讚他們就如英雄一樣,他說︰「有好多人都會避而不談,尤其是圈中人,有時覺得好多圈中人為咗搵食,點解唔談論呢?費事得失人。」

之後,李思蓓指出問題所在,「而家佢哋嗰個演唱會點解會有咁多爭議出嚟,係你收個門票絕對有呢個資源去做呢一件事,而冇做啊嘛,你係賣到爆晒飛㗎嘛。」梁思浩續說︰「我真係做過演唱會監製,我係有權對呢件事發言。第一,所有錢銀、所有嘅嘢都係由你控制嘅,即係話個演唱會賣晒飛㗎啦,即係話你已經賺硬咗錢㗎啦,你條數已經返咗嚟,你加幾多嘢落去你唔係蝕住做啊嘛,你係賺住做啊嘛,但你賺住做你仲喺度慳。」

三位主持愈講愈激動。(YouTube影片截圖@大家真瘋Show) 早前MIRROR的演唱會掀起搶飛熱潮。([email protected]

事件發生後,曾有傳演唱會最後一日綵排是在排舞室進行,。梁思浩指如果未完成總綵排,「呢樣嘢對表演者同埋舞蹈者係好唔合理,好唔合理!」李思蓓續說︰「我哋喺TVB,台慶都會咁rehearsal啦,我哋《歡樂滿東華》都會咁樣rehearsal啦。」梁思浩接着指責沒人出來承擔,「喺呢個危難中,有人會選擇沉默,或者逃避。甚至我成日都話如果你要做一個監製,你要做一個經理人,你哋搵緊錢㗎嘛,你哋點解唔肯有膊頭企出嚟,你要班細路仔去面對呢?嗰12個細路仔好慘喎,去面對。(Mandy︰同埋佢哋嗰12個同阿Mo關係都好。)係啊!所以你話今次係咪要人出嚟交代呢?都咁多日啦。(Mandy︰都未有人講嘢,未有承擔嘅呢個人出嚟。)」

(勞顯亮攝) (勞顯亮攝) (勞顯亮攝) (勞顯亮攝) (勞顯亮攝)

梁思浩之後說︰「我夠膽講一樣嘢,我都係俾人哋轟㗎喇,我一噏個名就俾人哋轟㗎喇,但係我唔怕嘅,我從來覺得係有嗰句講嗰句,你係一個監製,甚至你係一個經理人,如果你rehearsal睇到有危險,你需唔需要保護你啲藝人先?」他又說︰「幫你搵錢㗎喎!你袋錢就袋落袋啦?(Mandy︰你袋咗你而家都唔出聲?你應該當自己仔㗎嘛,係咪先?)」梁思浩將矛頭直指MIRROR的經理人花姐︰「所以我話畀你聽有一個人,我覺得成件事係難辭其咎㗎,嗰個就係阿花啦!阿花,老老實實啦阿花,如果你係呢12個細路仔嘅經理人,你有睇rehearsal㗎嘛!你有去睇㗎!如果你話俾我聽你冇睇,仲衰!」

花姐(黃慧君)是MIRROR的經理人。([email protected]) 據悉,花姐並非是次演唱會監製,第三場演出她「監場」的位置,亦非主控制台。此次演出的監製一直為行內資深演唱會監製「Fran9」,並無外界傳言中被撤換。([email protected]

李思蓓表示︰「佢哋12個話當佢阿媽嘅,但係你係咪當佢哋……點解啲人鬧得咁激啫,又返返之前嘅故事,例如姜濤做做吓訪問又暈一暈啊,你見到佢哋個工作量,大家打開報紙其實係知嘅,究竟抽咗幾多時間叫佢哋去綵排,呢啲亦都有數得計,尤其是特別紅嗰幾個𠻹。」梁思浩提出有關錢銀的問題,說︰「我諗日後仲有一單新聞一定會爆出嚟,終於會有傳媒問,究竟呢12個細路仔咁嘅辛苦工作呢幾年,佢哋個袋有幾多錢袋落袋?一定終歸有人會講㗎,一定會問嘅。你如果作為一個人嘅經理人,你袋緊佢錢㗎!我真心講呢12個細路仔,你袋緊佢錢㗎!你袋錢嗰時就識袋,到佢哋有事嗰時,你係完全,係完全消失天與地。」非常激動。

Mandy(右)又說︰「阿Mo都係《全民造星》其中一個人,你應唔應該出聲呢?」矛頭直指花姐。(YouTube影片截圖@大家真瘋Show)

梁思浩繼續怒轟花姐︰「同埋你當時你係一個經理人,又或者係監製,你覺得有危險,係咪要出聲先?因為所有幕後嘅人已經開始講,其實rehearsal已經有危險,rehearsal有危險,你唔係新人嚟嘛,你做得監製,你錢就袋落袋,責任唔使你孭啊?呢個世界冇咁唔使找錢嘅午餐㗎!」李思蓓又總結說︰「大家知道,呢12個小朋友係可以幫公司賺好多錢,但係你哋麻煩都要認清楚,佢哋都係人嚟,唔好物化佢成為一個生財工具,呢啲小朋友係人嚟。」

发表评论

您的电子邮箱地址不会被公开。

%d 博主赞过: