MIRROR紅館演唱會於上周四(28/7)發生嚴重事故,李啟言(阿Mo)被掛半空的巨型屏幕擊中受重傷。不少藝人們都有關心事件,而日前,前女子組合As One成員兼現為TVB經理人合約藝員的陳苑澄(Tania)亦有在IG發文,Tania有多年的跳舞經驗,加上是女子跳唱組合出身,她大爆行內的排舞師亦不時對舞者有不合理要求,要求做出高難度的動作,她直言︰「dancer自己要量力而為,排舞師都唔好咁黐線。」

Tania亦是舞者出身。([email protected]

Tania在IG出po,貼了一張《MIRROR.WE.ARE LIVE CONCERT 2022》8 月3日的門票,不過由於早前發生事故,所以餘下的場次已被取消。Tania以「關於表演」為題發了一篇長文,她先寫道︰「其實係咪應該有人要引咎辭職呢?以及呢一行會永不錄用呢幾個人。個個講等警方調查,查就一定要查,到時係邊個要坐監邊個要賠償,到時查完會點判刑係另一回事。出軌、嫖妓、傳出醜聞的藝人都翻唔到身,依家係關乎人命的事故,唔係唔理呀?」另外,她認為有份演出MIRROR演唱會的舞蹈員們,即使是身體上沒有受傷的,都應該要追討合理賠償, 「要搵律師代表你哋發聲,唔好俾啲人側側膊耍走咗」。

As One 2012年出道,一開頭的成員為(左起)Oli、Elfa、Nata(陳苑澄藝名)及Shin。(As One Facebook圖片)

Tania續寫道︰「另一點亦係最重要既一點,今次的事故係關乎成個行業、所有的performers,包括dancers, musicians, 藝人,特技人,等等。將來的演出,僱主必須為表演者買保險,賠償要包括排練時受傷等。表演者的工作時數規管、薪金調整,一個show要有幾多%有經驗(8年?maybe)的大師兄師姐帶住,幾多%係新人。一個show 一定最少要排幾多個鐘,以確保所有人係熟悉啲機關、通道、位置、自己要做啲乜(舞步)等等。仲有啲衫十斤重都唔緊要啦,有時真係靚啲嘅,但可唔可以加啲護膝護踭?唔使下下跳contem就唔着鞋啫,可以做對軟啲嘅鞋。」

Tania貼上MIRROR演唱會的門票,並寫了長文表達自己的看法。([email protected]

另外,Tania提及到排舞師很多時都會有不同的要求,甚至不合理要求,叫舞者做高難度動作,「係咪要有forbidden move? 叫dancers 2樓打個後空翻落地呢啲我真係聽唔少,當然排舞師要創作,排啲新動作,好睇嘅,所以一定開始排舞前就要work嘢試動作,dancer自己要量力而為,排舞師都唔好咁黐線。」

Tania又說︰「唔好再監平監賤咁賣,蝦啲學生唔識,人工又低,工時又長,紅館個台真係唔係咁易行!」關於舞台安全措施,由於她不是專業人士,她未有講太多,她只說︰「今次事故呢啲咁大型嘅失誤故之然要fix。以後嗰啲細魏嘢都要mon住啊,例如台底要有燈、啲釘次次周地都係呢啲。」

Tania的帖文全文。([email protected]) Tania的帖文全文。([email protected]

最後,Tania憤怒的說︰「我講嘢打字都1999,我淨係知呢啲事一次都嫌多!做咗阿媽更加心痛!就係你哋下下諗住呢度平啲嗰度平啲,求其做到件事就算,舞台(紅館)係好神聖係唔可以求其對待佢!」她又補充說︰「發聲係因為仲有期望!而唔係要攞啲咩着數,唔係想鬧吓發洩吓,係真係希望會有改變而唔係以後只可以打啲燈坐喺度唱歌。」舞蹈員出身的《全民追星IV》導演Himtos亦有在story轉發Tania的文章。

Tania是藝術體操高手。([email protected]) Tania是藝術體操高手。([email protected]) Tania是藝術體操高手。([email protected]) 跳舞都好叻。([email protected]) 筋骨好柔軟。([email protected]) 運動高手。([email protected]) 現在是TVB藝人。([email protected]

Tania自6歲起就學習芭蕾舞及中國舞超過12年。她亦曾於2004年至2010年為香港藝術體操隊代表隊成員。她在2009-2011年為香港演藝學院青年精英舞蹈課程學員,學習了更多不同種類的舞蹈,又於2012年加入女子歌唱組合As One, 有多年舞台演出的經驗。

发表回复

您的电子邮箱地址不会被公开。

%d 博主赞过: