坪洲警員開槍案,永安街街坊黎女士目擊整個事發經過,初時聽到吵鬧聲,開門見到2個警員與菲漢正在追逐,但都「捉佢(菲漢)唔住」。其中1名警員被叉頸,連開3槍擊中菲漢。黎女士聽到槍聲,惟恐有人搶槍,立刻走入房間躲避,不敢多望。

坪洲發生警員開槍案。(讀者提供) 疑犯連中3槍。(讀者提供) 受傷警員。(黃江奇攝) 受傷警員。(黃江奇攝) 中槍疑犯。(黃江奇攝) 大批警員到場調查。

大年初三「赤口」(24日)晚上10時許,2名警員到坪洲永安街噪音處理投訴案件期間,其中1名警員被菲律賓籍男子「叉頸」追打,繼而跌倒地上,其後連開3槍制服菲漢。

同住永安街的黎女士憶述昨晚事發經過,開初聽到門外吵鬧聲,才得悉有人打架,開門驚見兩個警員與菲漢追逐,惟警員「捉佢(菲漢)唔住」。菲漢向其中一名警員施襲,將警員「打到瞓地」,並用雙手掐著其警員頸部。她又稱警員未能動用胡椒噴霧制服菲漢,「點出到胡椒噴霧啫?打到佢都還唔到手咁滯,條友幾鬼勁」,最終開3槍全部擊中菲漢。黎聽到槍聲後,她女兒即時拉起大閘,「開槍呀,我哋匿埋啦」,再聽到多下槍聲,全部人即刻走入房間躲避,不敢多望,擔心菲漢會搶奪警槍並衝入單位。

黎女士憶述昨晚案發經過。(黃偉民攝)

黎女士知道中槍菲漢是附近鄰居,居住坪洲多年,「成日都見到,住個邊樓上」,曾在朋友口中得知他住在朋友樓上,經常在單位傳出吵鬧聲,「有人投訴佢都唔肯停」。事件發生後,黎表示自己從來未聽過槍聲,「睇電影先睇到」,對此大為震驚,「 驚呀,驚到訓唔到,成個心係咁跳」,不敢在單位內睡眠,寧願回到她自己家休息。

被問到警員開3槍是否合理,黎女士指開槍警見同事有生命危險,「如果佢唔開槍佢繼續鍊住佢條頸咪整死佢囉。」故開槍不能說不合理,又形容當時「佢(警員)捉佢(菲漢)唔住呀嘛,佢反抗呀嘛,(在街道上)走咗兩轉,走得好快㗎捉佢唔緊㗎!好得人驚㗎嗰個人癲到!好大力㗎!狂跑㗎!都大隻㗎!」

作者

发表回复

您的电子邮箱地址不会被公开。 必填项已用*标注

Generated by Feedzy
%d 博主赞过: